Бензема: Со Мбапе ќе даваме тројно повеќе голови

Килијан Мбапе е се поблиску до крајот на договорот со Пари Сен Жермен, меѓутоа понатаму немаме јасен одговор кој ќе биде неговиот следен потег.

Имено се некако водеше кон тоа дека напаѓачот сигурно ќе се пресели во таборот на шпанскиот великан, ама во последниве денови се добива поинаква слика по самата изјава на ѕвездата дека нема ништо одлучено, односно постои можност и да продолжи во Париз.

Доста луѓе од Катар и Франција притискаат за оваа опција, па останува времето да покаже што ќе се случи, но во меѓувреме Карим Бензема уште еднаш отворено призна колку сака да го види Мбапе како соиграч во Реал.

-Да, често го кажувам. Сакам да играм со него во репрезентацијата и би сакал да играм со него на клупско ниво. Мислам дека би постигнале двојно повеќе голови. Или можеби дури и тројно!

-Со Мбапе добро се разбирамe во репрезентацијата бидејќи знаеме што другиот ќе направи. На пример, и двајцата сакаме да одиме лево, но никогаш нема да бидеме таму и двајцата во исто време,-рече Карим за „Л’Екип“.

Бензема дада краток коментар и за престојниот двомеч со Челси во ЛШ.

-Нема фаворит. Погледнете ги нашите натпревари против Пари Сен Жермен: можеби бевме фаворити во првиот меч. И во реваншот ПСЖ стана огромен фаворит. Тоа ништо не значи. Челси е многу добар тим и ние ќе одиме таму барајќи добар резултат, -порача човекот кој сезонава има дадено 34 голови за кралскиот клуб.