Белингем дебитираше за Реал, Анчелоти даде оценка: Се разликува од другите играчи, тој дава…

Реал Мадрид го совлада Милан со 3-2 во пријателскиот меч кој се одигра во Паседена на кој видовме неколку играчи кои дебитираа за двете екипи, а меѓу нив беше и Џуд Белингем.

Англичанецот е најскапото засилување на „кралевите“ во овој преоден рок и се очекува многу од него во престојнава сезона и следните години. Џуд беше стартер и беше активен на теренот до 64 минута што беше доволно за да го импресионира тренерот Карло Анчелоти.

-Бев навистина импресиониран од Белингем. Имаме работи што треба да ги смениме, како што е начинот на кој игравме од последната линија. Се обидовме да играме повеќе низ средината отколку широко за да го искористиме максимумот од просторот меѓу линиите.

-Белингем одигра многу добро и тимот мора да се навикне на неговиот квалитет што е неверојатно. Неговото доаѓање во шеснаесетникот е многу важно за тимот. Ми се допаѓа системот, но забележавме неколку грешки. Не игравме со топката како што треба, но јас бев задоволен од играта во целина. Тој е фантастичен играч, многу важен за нас бидејќи е комплетен играч од средниот ред и внесува вистинско темпо и интензитет во играта. Се движи исклучително добро без топка и се разликува од другите играчи од средниот ред што ги имаме. Тој максимално го користи слободниот простор и додава друга димензија на овој тим, што е фантастично, -порача дон Карло.