Бекам за моментот кога дознал за потврдата од Меси: Телефонот ме разбуди во 5 часот наутро…

Дејвид Бекам не крие дека е посебно горд што тој и неговите партнери успеале да го доведат Лионел Меси во Интер Мајами, а во последното интервју зборувал и за остварувањето на овој голем предизвик.

Поранешната англиска фудбалска ѕвезда открил дека уште пред неколку години имал таен состанок со таткото и агент на Лео, а го појаснил и начинот на кој дознал дека Меси кажал „да“ на понудата на МЛС клубот.

– Успеавме да ја победиме жестоката конкуренција за потписот на најдобриот фудбалер на сите времиња.

– Тоа чувство е слично на тоа да постигнеш решавачки гол за својот тим на легендарен стадион како „Вембли“ и публиката да го скандира твоето име, – вели Бекам.

– Отсекогаш размислував за ангажман на Меси, бидејќи нема подобар од него, а добив поддршка и од партнерите Хорхе и Жозе Мас. Во 2019 година имав таен состанок со таткото на Меси во Барселона и му реков дека иако е рано, би сакал да го доведам Лео во Мајами.

– Бев со семејството во Јапонија и телефонот ме разбуди во 5 часот наутро. Не престануваше да вибрира, сопругата Викторија ме искара и зборуваше да го исклучам, а јас само и реков „Лео доаѓа, се наежив од самата помисла“, – отрива Бекам.