Барселона со супер вест ги израдува фановите по разочарувањето во Минхен (Фото)

Барселона имаше добри шанси конечно да го скрши проклетството и да победи на натпревар во Минхен, но неискористените прилики на крајот скапи ги платија и избраниците на Чави Ернандес се вратија во Каталонија со нов пораз.

Баерн славеше со 2:0 благодарение на двата гола постигнати во второто полувреме, епилог кој предизвика бес и нервоза кај Чави поради добрата слика на теренот, но ужасниот резултат и новиот пораз.

За разлика од минатата година, Барселона вчера многу подобро се носеше на теренот и во добар дел од мечот доминираше со посед и притисок, а еден од најзаслужните за тоа беше феноменалниот Гави кој помагаше и во одбрана и во напад.

Точно напладне, Барселона излезе со супер вест за фановите на Барса поврзана токму за Гави, кој конечно стави потпис на професионален договор и ќе има откупна клаузула од една милијарда евра.

– Барселона и Гави постигнаа договор за продолжување на соработката до јуни 2026-та година. Откупната клаузула ќе изнесува една милијарда евра. Промоцијата за новиот договор на Гави ќе се одржи на 15-ти септември, четврток во просториите на „Камп Ноу“, – гласи објавата на Барса.