Барселона обвинета за корупција, двајца претседатели завршија на суд

Случајот „Негреира“ донесе голем потрес во шпанската спортска јавност во изминатите неколку месеци, кога јавно беа доставени документи дека Барселона добивала помош со судиска анализа за секој арбитар кој е делегиран за нивни меч од поранешниот потпретседател на судискиот сојуз.

Иако шпанските спортски тела засега не најдоа ниту еден чист доказ за сериозна казна кон Барселона, судот во Барселона денеска и официјално го однесе овој случај во следна фаза, откако го обвини клубот за корупција.

Истрагата на шпанското обвинителство дојде до следна фаза и сомнежите завршија со обвинение, во кое се вели дека Барселона како клуб ќе одговара за корупција, без оглед на тоа каков ќе биде исходот од одделните истраги кои ги водат спортските организации.

Судијата Хоакин Агире покрена оптужба против првообвинетиот Хосе Марија Негреира кој проследувал забранети информации до Барселона, но на суд како обвинети се посочени и порашените два претседатели на Барса, Ссандро Росељ и Хосеп Марија Бартомеу.

Досегашната инстрага откри дека Негреира стекнал богатство од 7,5 милиони евра од парите кои ги инкасирал од водечките луѓе на Барселона, а за возврат давал судиска помош и лобирал за делегирање подобри судии на натпреварите кои ги игра каталонскиот гигант.