Барнс: Гвардиол не му е потребен на Ливерпул, не можеме…

Ливерпул нема добри резултати во актуелнава сезона, а тоа треба да донесе сериозни промени во тимот во летниот преоден рок.

На некои играчи им завршуваат договорите, некои ќе бидат продадени, односно се очекува да биде бурно, раздвижено на „Енфилд Роуд“. Еден од фудбалерите кој се поврзува со „црвените“ е Јошко Гвардиол кој важи за еден од најдобрите млади дефанзивци, стопери на светот.

Тој сигурно би можел да направи разлика, да донесе квалитет, но според легендата на Ливерпул, Џон Барнс клубот мора да се фокусира на други цели, засилување на други позиции.

-Гвардиол беше многу добар на СП, но мислам дека немаме реална потреба од него во моментов. Ги имаме Гомез, Ван Дајк, Конате, Матип и сите се добри играчи. Значи на стоперската позиција не ни се потребни нови фудбалери. Гвардиол би бил добар додаток. Тој има многу квалитети и е силен. Фантастичен играч кој е добро се движи и е мобилен. Мислам дека ќе може да заврши добра работа за Ливерпул. Но, повторно, не можеме да се потпреме на индивидуален квалитет. Дури и ако донесеме нови играчи, тимот треба да ги направи да изгледаат добро, а не обратно, -порача поранешниот англиски репрезентативец.