Барди со емотивна изјава: Горан е најголем играч, тој треба да ни дава сила да продолжиме по неговит

21.06.2021 Juni Ponedelnik

Еден од најдобрите македонски фудбалери, Енис Барди, по крајот на натпреварот со Холандија даде доста емотивна изјава поврзана со капитенот и легенда на македонскиот фудбал, Горан Пандев.

Пандев против „лалињата“ го одигра и својот последен натпревар во националниот тим, а тоа веројатно ќе биде и последен натпревар во неговата фудбалска кариера.

Барди по натпреварот даде изјава на место која треба да ги мотивира него и неговите соиграчи да продолжат таму каде што застанаа со своите колеги со кои успеаја да се пласираат на историското прво Европско првенство.

– На овој натпревар имавме големи емоции затоа што знаеме кој е Горан, колку може да помогне и колку дава и даваше за репрезентацијата. Горан ќе ни фали секогаш, тој е најголем играч во историјата на македонскиот фудбал. Мислам дека на сите нас тој треба да ни дава сила да продолжиме по неговите стапки, иако тоа ќе ни биде многу тешко. Тој беше пример за сите нас и сега ние треба да продолжиме како него. Господ да му даде здравје него и на неговото семејство, ќе ни фали секогаш, -изјави Енис Барди кој потоа само потенцираше дека оваа Македонија сега го променила менталитетот и сега ќе игра само на победи.

– Оваа Македонија го менува менталитетот, сега не знае цела Европа и мора да го повториме овој успех, -заврши Барди.