Балотели се огласи и ги „поздрави“ експертите: Никој не зборуваше за мене пред мечот со Македонија!

30.03.2022 Mart Sreda

Марио Балотели беше дел од италијанскиот камп кој се одржа на крајот на месец јануари, а иако реакциите за неговата форма беа позитивни и се доби впечаток дека ќе се врати во репрезентацијата, напаѓачот на крајот не доби повик за бараж дуелите во месец март. „Супер Марио“ изостана од списокот на Роберто Манчини, но неговото име стана топ тема во јавноста дури откако Италија доживеа вистински шок од Македонија на „Ренцо Барбера“. Италијанците не ги искористија своите шанси и беа жестоко казнети од Александар Трајковски во 92-та минута, па добар дел од италијанските аналитичари почнаа со претпоставки дека сценариото ќе било поинакво со Балотели во нападот, на местото на Чиро Имобиле. – Не жалев толку за тоа што не добив повик за Македонија, Светското првенство беше во декември и сакав да бидам дел од тој тим, но за жал, пропуштивме голема шанса. Навистина боли да се види Италија надвор од мундијалот. – На аналитичарите и фановите им недостасувам само кога Италија губи. Лесно е да се каже сега тоа, пред мечот никој не зборуваше за мене. Го гледав мечот со Македонија, имавме добри шанси, а јас обично сум добар пред противничкиот гол. Не велам дека со мене ќе победивме сигурно, но ќе имавме добри шанси. – Се уште не сум зборувал со Манчини, но имам посебни чувства кон него. Среќен сум што останува во селекцијата и што ќе продолжи да го надоградува тимот. Луѓето сега се разочарани, но не треба да се заборави што направи, го одведе тимот до европската титула. Манчини заслужи да остане, – вели Балотели во интервјуто за „Скај Италија“.