Атлетико ја пронајде замената за Жоао Феликс во Барселона
- Aleksandar Santovski
- Jan 12, 2023
- 1 min read
Угледните шпански медиуми тврдат дека Атлетико Мадрид замената за Жоао Феликс ќе ја добие од Барселона, откако клубот од шпанската престолнина влегол во интензивни преговори за ангажман на Мемфис Депај.
Холандскиот напаѓач дал зелено светло за проектот на Атлетико поради тоа што му е понуден повеќегодишен договор, нешто што не го доби во Барселона од самиот старт.
Мемфис е во последните месеци од договорот со Барселона и покрај тоа што беше купен во 2021-ва година, па ова е последна шанса за Барса да заработи нешто за него, пред да си замине како слободен агент.
Во моментов, се чека само интензивирање на преговорите меѓу двата клуба, но и тоа оди во прилог ако се знае дека Барселона и Атлетико си разменија многу играчи во изминатите неколку години.
Односот меѓу клубовите остана добар и по комплетирањето на операцијата „Гризман“ во првиот дел од сезоната, па очекувањата се тоа да продолжи и сега со случајот на Депај.

Comentários