Атанасов: Тоа беше клучот за нашата победа, МЗТ ќе биде…

25.09.2024 Septemvri Sreda

Составот на МЗТ Скопје беше подобар од Теодо Тиват со 68:50 во првиот натпревар од новата сезона во АБА2 регионалната лига.

„Штрковите“ ја имаа улогата на фаворити, статус кој го потврдија со играта во СЦ „Јане Сандански“ каде имаа контрола на резултатот од првата до последната четвртина.

Македонскиот првак знаеше што сака на овој меч, одигра фантастично пред се во одбраната и со тоа си го отвори патот за победнички старт на кампањата.

-Честитки за моите кошаркари за покажаната желба и борбеност кои ни ја донесоа посакуваната победа. Бевме одлични во дефанзивата и тоа беше клучот за овој триумф, додека во нападот се уште имаме многу за работа што е разбирливо со оглед на тоа што е почеток на сезоната. Задоволен сум од приодот и дисциплината, иако верувам дека можеме многу подобро од прикажаното. Сигурен сум дека тоа ќе го покажеме веќе на натпреварите кои престојат, -порача тренерот Васко Атанасов.

МЗТ во второто коло во АБА2 лигата ќе се соочи со Цедевита.