Артета: Моравме да играме поинаку против Сити

02.04.2024 April Vtornik

Микел Артета и Арсенал се вратија непоразени од гостувањето кај Манчестер Сити, а веќе утре ги очекува соочување со Лутон.

„Топчиите“ ќе бидат големи фаворити на овој дуел, но менаџерот ќе бара од фудбалерите на Арсенал да бидат максимално концентрирани и да се адаптираат онака како што бара самиот натпревар.

Шпанскиот стручњак вели дека неговите играчи тоа успешно го направиле на „Итихад“.

– Моравме да го промениме стилот на игра. Понекогаш е така бидејќи сакаш да се адаптираш, а понекогаш затоа што мора да се адаптираш.

– Мора да бидеш отпорен во клучните моменти, тогаш не постои его или идеологија, а ние покажавме ментална сила со начинот на кој ја спроведовме стратегијата, – истакнал Артета.

Арсенал сега има два бода помалку од Ливерпул, а новинарите го прашале Артета дали тоа значи дека „топчиите“ мора да ги добијат сите натпревари до крајот на сезоната.

– Не знам дали ќе бида така, но сигурно ќе биде блиску до тоа. Ја гледаме формата и резултатскиот континуитет на ривалите и веројатно дека ќе ни бидат потребни максимален број бодови, – вели менаџерот на Арсенал.