Артета задоволен од експериментот со позицијата на Рајс

Арсенал победи на пенали во дуелот со Монако на „Емирејтс куп“, а менаџерот Микел Артета бил посебно задоволен од експериментот со Деклан Рајс. Скапото засилување на „топчиите“ играл поофанзивно од вообичаеното, отстапувајќи му го местото на Томас Парти, а Артета не штедел комплименти за англискиот репрезентативец. – Мислам дека Рајс располага со квалитет да игра на различни позиции и тоа го бараме од него. – Првпат играше како поофанзивен халф, па со тоа покажавме дека очекуваме да се адаптира на повеќе позиции и да се воигра со новите клупски колеги. – На одредени натпревари ќе го користиме Рајс на оваа позиција, – појаснил Артета.