Арсенал го положи последниот испит пред дербито со Ливерпул

Составот на Арсенал успешно го реши последниот предизвик пред големото дерби со Ливерпул закажано за 4 февруари на „Емирејтс“.

Избраниците на Микел Артета славеа над Нотингем Форест со 2-1 и со тоа го надминаа Манчестер Сити по бројот на бодови со тоа што имаат два натпревари повеќе од актуелниот шампион.

Дуелот на „Сити Граунд“ беше решен со погодоци во второто полувреме, резултатот го отвори бразилскиот репрезентативец Габриел Жезус со голот во 65 минута.

Веќе во 72 минута „топчиите“ ја зголемија предноста преку Сака по што стана јасно каде ќе завршат трите бода. Домаќините на крајот постигнаа почесен гол и тоа преку Авонији во 89 минута.

Арсенал сега има 46 бода и е на второто место на табелата.