Анчелоти со став за евентуалното заминување на Модриќ и Бензема во Саудиска Арабија: Ако имаат понуд

Анчелоти со став за евентуалното заминување на Модриќ и Бензема во Саудиска Арабија: Ако имаат понуди… По трансферот на Кристијано Роналдо во Саудиска Арабија, светските медиуми почнаа да шпекулираат дека и други фудбалски ѕвезди ќе го следат неговиот пример и ќе потпишат за клубови од оваа земја. Прв од играчите кои се спомна во јавноста беше Лука Модриќ, за кого наводно сериозно загризал токму тимот во кој игра Роналдо, Ал Наср. Најавите беа дека Модриќ ќе добие мултимилионски договор, слично како и оној на Роналдо, но за разлика од Португалецот, трансферот би го реализирал на лето како слободен агент кога неговиот договор со Реал ќе истече. Слични пишувања имаше и за Бензема, а на ваквите написи свој коментар даде и Карло Анчелоти кој ги посоветува играчите да подразмислат и да не избрзуваат со одлуката за напуштање на Реал Мадрид. – На Модриќ и Бензема не им треба мојот совет ако веќе имаат понуди од Саудиска Арабија. Јас само ќе кажам дека легендите на Реал Мадрид треба да останат во Мадрид, -јасно порача искусниот стратег.