Анчелоти со две изненадувања во стартната постава, Чави со многу проблеми во средниот ред (Фото)

Карло Анчелоти се одлучи за ултра-офанзивна постава и направи две изненадувања во стартните 11 на „Камп Ноу“ (Камавинга и Родриго), стадион на кој Реал Мадрид вечерва ќе мора да брка победа за да се најде во финалето на Копа дел Реј.

По три порази во низа од Барселона, Италијанецот одлучи да менува од стандардната стартна постава, па на местото на Начо на левата бековска позиција е вратен Камавинга чија природна позиција е во средниот ред.

Неговото место во средината ќе го пополни Валверде кој во последно време имашее поофанзивни задачи, додека во напаѓачката тројка покрај Бензема и Винисиус се најде Родриго кој обично добива шанса од клупата. Исто така, Алаба добива предност во одбраната пред Ридигер кој не е доволно фит.

На спротивната страна, Чави Ернандес има многу проблеми во средниот ред, па повредените Френки Де Јонг и Педри ги замени со Кеси и Серхи Роберто, додека останатите 9 играчи беа очекувани како стартери.

Реал Мадрид: Куртоа, Карвахал, Милитао, Алаба, Камавинга, Крос, Модриќ, Валверде, Винисиус, Бензема и Родриго.

Барселона: Тер Штеген, Кунде, Араухо, Алонсо, Балде, Бускетс, Серхи Роберто, Кеси, Гави, Рафиња и Левандовски.