Анчелоти по поразот од Јувентус: Не сме навикнати на вакви проблеми

Карло Анчелоти признава дека Реал Мадрид покажал несвојствено многу слабости во дефанзивниот дел од својата игра и тоа е елементот на кој мора да се работи во пресрет на новата сезона.

Шпанскиот клуб прими по три гола од Барселона и Јувентус, па тренерот по вториот пораз истакнал што мисли за настапот на својот тим на американската турнеја.

– Не сме навикнати на вакви проблеми во одбраната.

– Мора да се подобриме во овој елемент, бидејќи примивме премногу голови на последните натпревари.

– Јасно е дека ни недостасуваше одреден баланс, но мислам дека лесно ќе го решиме проблемот со одредени промени на позициите и поставеноста на дефанзивците, – рекол Анчелоти.