Анчелоти обелодени дека има јасен план за голманската позиција по ангажманот на Кепа

Реал Мадрид новата натпреварувачка сезона во Ла Лига ја стартува со три гостувања, па откако триумфално мина низ Билбао на отворањето на кампањата, „кралевите“ утре ќе и гостуваат на Алмерија.

Очекувањата се Карло Анчелоти да го извади речиси истиот тим кој мина навистина добро на натпреварот против Атлетик, а иако се најавуваше можна промена на голманската позиција, Италијанецот откри дека сепак нема да дојде до тоа.

Анчелоти на денешниот пред нагласи дека има јасен план со голманите и дека еден од нив ќе има предност како прв чувар на мрежата, но се уште нема донесено конечна одлука кој ќе биде тоа.

– Кепа е со нас неколку дена и полека се адаптира на новата средина. Задоволни сме од неговата форма, но утре ќе продолжиме со Лунин на голот.

– Кепа има брането на највисоко ниво, додека на Лунин му недостасува искуство. Едно е јасно, нема да правиме ротации на секој натпревар на голманската позиција. И двајцата се многу добри, но еден од нив ќе има предност и ќе има поголема минутажа, – порача Анчелоти, кој истакна дека Реал нема да купува нов стопер како замена за Милитао.

– Добро сме покриени на тие позиции. Марвел тренира со нас и има уште неколку играчи кои можат да бидат промовирани од младинската школа. Нема да купуваме нов фудбалер за таа позиција, – потврди Карло.