Анчелоти му одговори на директорот на Атлетико: Никој не е перфектен
- Aleksandar Santovski
- Sep 28, 2023
- 1 min read
Атлетико Мадрид изминатиов викенд го победи Реал и го доби големото градско дерби, па иако на ред дојдоа нови предизвици, дерби препукувањата се уште се доста актуелни. Хил Марин како извршен директор на Атлетико вчера излезе со една навистина зајадлива изјава во интервју за „Марка“ и посочи дека Реал секогаш профитира од неверојатниот притисок кој го прави врз судиите, што за него ја компромитира и регуларноста на домашното првенство. Атлетико не се огради од ваквите зборови на извршниот директор и тие предизвикаа турбуленции во шпанската престолнина, па новинарите побараа мислење и од Карло Анчелоти. Италијанецот беше доста дипломатски настроен во свој стил и одговори со провокација, но концизно потенцираше дека Марин направил голема грешка. – Не обрнувам внимание на тоа што го велат другите, вклучувајќи го и Хил Марин. Секој може да каже се што ќе посака. Ќе кажам она што јас го мислам. Само ќе кажам дека прави голема грешка, но никој не е перфектен во животот, – изјави Анчелоти.

コメント