Анчелоти за играчот на Реал кој се поврзува со трансфер во Барселона: Ќе зборувам со него по мундија

Анчелоти за играчот на Реал кој се поврзува со трансфер во Барселона: Ќе зборувам со него по мундијалотРеал Мадрид бележи фантастична низа на резултати и се уште ја нема почувствувано горчината на поразот во новата натпреварувачка сезона, што прави „кралевите“ да бидат лидери на табелата во Ла Лига, но и веќе со обезбеден пласман во осминафиналето во Лигата на шампионите.

Добрите изданија, „Ел Класико“ победата и последниот триумф над Елче се добра увертира за мирен период на Карло Анчелоти, кој верува дека тимот ќе продолжи да реди победи до официјалниот крај на возбудувањата во 2022-ра година на клупски план, кои се планирани до првата третина од месец ноември.

После тоа следи мундијалот во Катар и вистиснка непозната е тоа во каква состојба ќе се вратат играчите од мундијалот, по кој Карло планира да одржи разговор и со играчот кој успеа да ја поправи ситуацијата во последно време.

Марко Асенсио седеше „замрнат“ на клупата за резерви на стартот на сезоната, јасно почна да го искажува големото незадоволство, а со оглед на тоа што е во последните месеци од договорот, почна да се поврзува и со трансфер во Барселона. Во последно време, Асенсио добива минутажа речиси на секој меч кој го игра за Реал, а вчера постигна и гол против Елче и ги постави конечните 0:3.

– Немам разговарано со Марко за неговиот договор. Тој е дел од тимот и навистина имам голема доверба во него. Дури и кога игра малку секогаш покажува дека е тука за тимот, стои на располагање за тимот. Во иднина планирам да има поголема минутажа, а после мундијалот ќе разговараме за неговиот договор, – изјави Карло.