Анри посочи каква грешка прави Дарвин и даде прогноза за тоа како ќе заврши неговата кариера во Ливе

Анри посочи каква грешка прави Дарвин и даде прогноза за тоа како ќе заврши неговата кариера во Ливерпул

Тјери Анри како еден од најдобрите напаѓачи во поновата фудаблска историја сега е стандарден дел од телевизиските студија посветени на натперварите во Лигата на шампионите, па така беше и изминатата вечер во која беше стручен аналитичар за „Си-Би-Ес“.

Легенарниот француски голгетер реши да стави посебен акцент на Дарвин Нуњез и се обиде да образложи зошто понекогаш прави непотребни работи на теренот, со напомена дека во него сепак гледа одличен напаѓач кој ќе биде само подобар кога „работите ќе си легнат на свое“.

– Сметам дека Дарвин се уште ја нема потребната самодоверба, не е доволно ладен кога се наоѓа пред голот и тоа е така бидејќи дојде во клуб со големи барања.

– Од тоа што го гледам, добивам впечаток дека понекогаш ја преигрува топката, тој толку сака да ги воодушеви фановите на Ливерпул, што избрзува со своите потези. Не е доволно смирен, наместо да ја смири топката, тој избрзува и на моменти носи погрешни одлуки.

– И мене ми се случи тоа во кариерата, кога правите голем трансфер, сакате да се докажете и често знаете да направите потег повеќе. Не е лесно да се замени еден Садио Мане, но јас сметам дека работите ќе легнат за него и гледам доста голови во него. Не е голгетер како Роби Фаулер, но кога ќе може да се контролира себеси, ќе биде уште подобар. Сметам дека ќе дојде до такво нешто во Ливерпул со малку трпение и верба во неговата игра, – вели Анри.