Андоновски со САД освои бронза на олимпискиот турнир

Женската фудбалска репрезентација на САД, која како селектор ја предводи Македонецот Влатко Андоновски, го освои бронзениот медал на олимпискиот турнир во Токио.

САД, во спектакуларен натпревар, ја победија Австралија со 4-3. Малото финале го обележа репрезентативката на САД, Меган Рапино, која постигна два спектакуларни гола во првото полувреме.

Рапино, во осмата минута, постигна гол директно од корнер, а откако Кери израмни во 17-та минута, со волеј во 21-та минута повторно донесе предност за САД.

Во финалето на олимпискиот турнир утре ќе играат Шведска и Канада.