Андонова со атрактивен гол го најави големиот пресврт на Леванте

Тимот на Леванте успеа да ја добие вечерашната пресметка против Алавес во првата шпанска лига, победа во која значајна улога имаше нашата репрезентативка Наташа Андонова.

Домашниот тим беше во негатива (0-1) до 90 минута кога прво Андонова со атрактивен гол со глава го израмни резултатот. Судиското продолжение траеше седум минути, простор кој го искористија фудбалерките на Леванте и со погодокот на Пинто дојдоа до три бода.