Анадолу Ефес остана без тренер по тешкиот пораз од Жалгирис

01.02.2024 Februari Cetvrtok

Поранешниот европски шампион, Анадолу Ефес доживеа тежок пораз на вчерашниот меч против Жалгирис во Евролигата, пораз по кој управата на клубот одлучи да реагира и му врачи отказ на тренерот Ердем Џан.

Џан имаше одлична сезона со Турк Телеком по што доби шанса да го води Анадолу Ефес како наследник на Ергин Атаман. Ердем со соочи со многу предизвици во актуелнава кампања, многу клучни играчи му беа повредени, мораше да бара нови решенија, но клубот немаше повеќе трпение со него и реши да се откаже од неговите услуги и да му посака среќа за во иднина.

Составот од Истанбул засега не се огласи во однос на тоа кој ќе биде негова замена, но информациите се дека најверојатно шанса ќе добие Томислав Мијатовиќ до крајот на сезоната.

Мијатовиќ од 2010 година е во Ефес, постојано работи како асистент, односно соработуваше со Перасовиќ, Ивковиќ, Атаман, Џан за да сега по се изгледа ќе добие шанса да се докаже како прво човек крај теренот.