Американците останаа без ѕвездата на Вашингтон за ОИ, уште еден играч е во ковид протокол

16.07.2021 Juli Petok

Селекцијата на Соединетите Американски Држави не блеска на подготовките пред настапот на ЛОИ во Токио, па во првите три пријателски средби во Лас Вегас забележа два порази (Австралија, Нигерија) и една победа (Аргентина).

Меѓутоа тоа не единствениот проблем за Американците кои сега се соочуваат со корона криза, односно двајца играчи мораа да влезат во ковид протокол. Еден од нив Бредли Бил ќе отпадне од списокот, односно нема да биде во комбинација за настап на турнирот во Јапонија.

Од националниот тим најавија дека ќе побараат замена за ѕвездата на Вашингтон Визардс која ги одигра сите средби за САД во Лас Вегас.

Другиот кошаркар кој е во протоколот за КОВИД-19 е Џереми Грент, но кога е во прашање членот на Детрои Пистонс селекторот Грег Попович е оптимист дека ќе може да остане и му помогне да тимот да дојде до зацртаната цел-злато на ОИ.

Фаворитот за пехарот уште ги чека Девин Букер, Џру Холидеј и Крис Мидлтон кои играат во големото НБА финале што значи дека Попович се соочува со доста главоболки пред настапот на најголемиот настан во оваа календарска година.