Американски кошаркар ги шокираше фановите со „ефектот“ од слободни фрлања

Литванското кошаркарско првенство влегува во завршните рунди на плејофот, а Жалгирис очекувано го елиминира тимот на Невежис во четвртфиналната фаза.

Сепак, вториот натпревар од серијата можел да биде многу понеизвесен, ако фаворитот не добил индиректна помош од една од ѕвездите на Невежис.

Американецот Дешон Фримен промашил 13 слободни фрлања на овој натпревар, или имал ефект 0/13, што веројатно е „ефект“ за кошаркарска историја.

Фримен постигнал 16 поени на средбата, но противниците решиле почесто да го испраќаат на линијата за слободни фрлања како резултат на неговата „успешност“.