Американски борач му го украде златото на Грузиец во последните десет секунди (Видео)

Американскиот борач Гејбл Стивесон го освои златниот медал во борење слободен стил во категоријата до 125 килограми и тоа го направи на ретко возбудлив начин.

Иако Стивесон имаше негатива од три поени на десет секунди до крајот, успеа да му го украде златото на Грузиецот Гено Петриашвили.

Петриашвили водеше со 8:5, но во последните десет секунди не само што не успеа да тактизира и да ја задржи предноста, му дозволи на Стивесон да направи два зафата за поени со кои направи пресврт.

На крајот, Американецот славеше со 10:8, а грузискиот ривал ќе жали за ваквиот финиш до крајот на животот.