Американска тенисерка почна да слави победа на незавршен тај-брејк

Дениел Колинс обезбеди пласман во следната рунда на Аустралијан Опен, но дозволи фановите да и фатат голем сеир за време на последниот меч во Мелбурн.

Американската тенисерка за противничка ја имаше Каролина Мучова, а успеа да го добие мечот по супер тај-брејкот кој заврши со резултат 10:6.

Ништо од ова не би било невообичаено, ако Колинс не почна да ја слави победата на резултат 7:3 во тај-брејкот.

Колинс очигледно не го знаеше правилото за решавачкиот сет, односно супер тај-брејкот, па судијата на стол и соопшти дека мечот не е завршен и победникот мора да освои 10 поени.