Амбициозниот МКК Куманово се засили со искусниот Штерјов

Екипата на МКК Куманово има највисоки амбиции во оваа сезона и целта е влез во најсилната македонска кошаркарска конкуренција, цел во која треба да помогне и Александар Штерјов.

Штерјов е долго време на нашата сцена, има играно за многу клубови, го има носено и дресот на нашата репрезентација, а сега со своето искуство, знаење треба да му помогне на МКК Куманово да влезе во Првата лига.

Тој треба да помогне во борбата под обрачите, последниот ангажман го имаше во составот на Чаир.

Инаку МКК Куманово е состав предводен од легендарниот Марин Докузовски, тим кој има седум од седум во втората лига.