Алонсо ги засени колегите: Претркувањето на Хамилтон е хит на социјалните мрежи

Фернандо Алонсо е најспоменуваниот возач меѓу фановите по првата Формула 1 трка од новата сезона.

Одличниот болид на Астон Мартин му овозможи на поранешниот светски шампион да биде рамноправен со голем број ривали на патеката, а најдебелиот крај го извлече Луис Хамилтон.

Ден по трката, на социјалните мрежи главен херој е Шпанецот и тоа поради претркувањето на Хамилтон во свијокот број 10, место каде воопшто не се очекува ваков потег и подобрување на позиција.