Ален Делон денес наполни 86 години

08.11.2021 Noemvri Ponedelnik

Познатиот француски актер Ален Делон го прославува својот 86-ти роденден овој понеделник, 8 ноември. Малку се знае за сегашниот живот на секс-симболот од 1960 до 1980. Француските медиуми пишуваат дека Делон во последните години живее во својата вила во Швајцарија. Актерот го поминува времето сам, опкружен со домашни миленици. Во неговата куќа живеат многу животни: кучиња, мачки… Освен тоа, на свој трошок отворил неколку прифатилишта за бездомни животни. Таквата љубов кон животните Ален ја објаснува со тоа што во младоста чувал женка доберман и во една пригода ја удрил бидејќи била виновна за нешто, а потоа видел солзи во нејзините очи. По ова, тој почнал да се однесува кон животните со посебна нежност. Во 2019 година Делон претрпе два мозочни удара. Во јули годинава во интерву за „ТВ5 Монд“ изјави дека се чувствува добро.