Алек Болдвин им се заблагодари на луѓето што му помогнаа во многу тешко време
- Aleksandar Santovski
- Jan 3, 2022
- 1 min read
Алек Болдвин им се заблагодари на своите поддржувачи што му испратија добри желби додека се обидува да помине низ најтешкиот период од својот живот по фаталниот инцидент на сетот на филмот Rust. Актерот сподели видео на „Инстаграм“ во петокот, во кое им се заблагодари на сите што му пристапиле и му дале поддршка од крајот на октомври кога се случи несаканиот инцидент во Ново Мексико, каде што се снимаше нискобуџетскиот вестерн. Случајното пукање на пиштолот реквизит заврши трагично за снимателката Халина Хачинс. „Сакав да издвојам момент и да им се заблагодарам на сите оние луѓе што ми испратија толку убави зборови и најдобри желби, сила, надеж и молитви…“, вели Болдвин во триминутното видео. „Толку многу чувства од толку многу луѓе. Добив стотици е-пошти од пријатели, од семејството и колегите, и од луѓе што ми посакаа сила, истрајност и добри желби. Многу сум им благодарен за тоа“, рече тој.

Comentarios