Алегри му се закани на Влаховиќ пред враќањето во Фиренца

Вечерва на програмата е прво финале во Копа Италија меѓу градските ривали Интер и Милан, но идентично интересно се очекува да биде и утре кога силите ќе ги одмерат Фиорентина и Јувентус.

Покрај присутниот анимозитет меѓу двата лути ривали, утрешниот меч во Фиренца ќе биде специјален и поради враќањето на Душан Влаховиќ на „Артемио Франки“, каде се очекува да биде пеколно пречекан од страна на навивачите на Фиорентина кој го означија како предавнички неговиот трансфер во Јувентус.

Масимилијано Алегри вели дека се уште нема донесено одлука дали Влаховиќ ќе биде во стартната постава на утрешниот меч, но затоа го искористи денешниот прес за да му се закани на Србинот кога е однесувањето во прашање.

– Морам да донесам одлука дали Влаховиќ ќе игра утре. Ќе видиме, тој играше многу откако дојде и дополнително ќе донесам одлука. Ќе мора да одмори еден од Кин, Мората и Влаховиќ.

– Влаховиќ делува смирено, се враќа на местото каде порасна како играч. Нормално е да биде импресиониран, тоа е посебен меч за него, но мора да остане мирен. Ако не биде така, тој никогаш нема да заигра против Фиорентина. Што се однесува до неговиот учинок кај нас, тој ни го донесе потребниот мир во нападот, сега противниците знаат дека можеме да постигнуваме голови, – вели Алегри.