„Аеросмит“ и „Јуниверзал мјузик груп“ потпишаа договор

24.08.2021 Avgust Vtornik

Хард рок бендот „Аеросмит“ и компанијата „Јуниверзал мјузик груп“(UMG) објавија дека потпишале договор за стратешко партнерство и соработка, при што целиот музички каталог на „Аеросмит“ се сели во медиумскиот гигант пред 50-годишнината на бендот следниот месец. Американскиот медиумски гигант исто така ќе биде дом на идните музички проекти на „Аеросмит“, и ќе работи со бендот на нови филмови, телевизиски и други аудиовизуелни содржини. „Глобалниот успех на Аеросмит ги става во височините меѓу најголемите рок икони на сите времиња“, рече претседателот и главен извршен директор на UMG, сер Лусијан Грејнџ. „Лично, не можам да бидам повеќе горд што тие го избраа UMG за нивен глобален партнер“, додаде тој. Откако беше основан во Бостон во 1970 година, бендот продаде повеќе од 150 милиони албуми во светски рамки.