Адеми и Ристовски останаа без тренер по поразот на „Пољуд“

Динамо се уште е во пол позиција да ја освои титулата во домашното првенство, но последниот пораз во дербито со Хајдук и прикажаната очајна игра на „Пољуд“ сепак предизвикаа потрес во клубот.

Македонските репрезентативци Аријан Адеми и Стефан Ристовски останаа без тренер по вчерашниот неуспех против Хајдук, па финишот од сезоната ќе им донесе нов привремен тренер, пред клубот да се одлучи за долгорочно решение.

Жељко Копиќ на крајот издржа само неколку месеци во Динамо и не забележа некој посериозни резултати на домашната сцена, но затоа клубот ги истакна неговите победи во Европа во прошталното писмо.

– Динамо со ова соопштение ја известува јавноста дека Жељко Копиќ веќе не е тренер на првот тим. Копиќ го презема тимот во декември минатата година и го водеше Динамо на вкупно 19 официјални натпревари.

– На нив, тимот забележа 13 победи, 2 реми средби и 4 порази со гол разлика 27:10. Посебно ги истакнуваме фантастичните победи над Вест Хем и Севилја во Лигата на Европа, – гласи објавата на Динамо.