Адвокатите на Деп цврсто уверени дека во случајот клевета нема грешки за да се оправда успешна жалба

Адвокатскиот тим на Џони Деп смета дека нема грешки во неговиот случај за клевета, како и во противтужбата на Амбер Херд што би оправдале успешна жалба. Поротата во Ферфакс, Вирџинија, утврди дека Херд го клеветела нејзиниот поранешен сопруг со статија во кој таа тврди дека била жртва на семејна злоупотреба. Нејзината адвокатка Елејн Бредехофт тогаш изјави дека има одлична основа за жалба. Но, во ново интервју, адвокатот на Деп, Бенџамин Чу, се сомнева во жалбата. Говорејќи во емисијата „Тудеј“, тој рече: „Цврсто сме уверени и сигурни дека нема грешки што би оправдале каква било успешна жалба“. Деп доби отштета од 15 милиони долари – 10 милиони долари компензаторна отштета и 5 милиони долари казнена отштета, но втората оштета беше намалена од судијата Пени Азкарате на 350.000 долари поради законската граница на државата Вирџинија. Херд доби 2 милиони долари надомест за штета откако таа поднесе противтужба за 100 милиони долари. Минатата недела нејзината адвокатка изјави дека Херд не е во состојба да плати пресуда од 10,4 милиони долари. „Не, апсолутно не,“ рече таа.