Агуеро за тоа што може новата Барселона: Тешко е да е борат за пехарот во ЛШ, но…

21.07.2022 Juli Cetvrtok

Шпанскиот прволигаш Барселона направи неколку добри потези во овој преоден рок, па така откако без никакво трансфер обештетување ги доби Франк Кеси и Андреас Кристенсен успеа да ги добие потписите на Рафиња и Роберт Левандовски, а ако на ова се додаде дека нов договор потпиша и Усман Дембеле тогаш повеќе од јасно е дека оперативците на каталонците завршија одлична работа. Се најавуваат уште неколку имиња, засилувања во одбраната и ќе биде интересно да се види како ќе изгледа целосно Барселона или потоќно кога тренерот Чави Ернандес ќе ги има на располагање сите играчи. Серхио Агуеро имаше можност кратко да биде дел од каталонците, но тој внимателно ги прати сите нивни потези и даде свое видување за тоа што тимот може да направи. -Левандовски е деветка од светска класа. Ќе и донее голови на Барселона. Со играчите кои се таму, ако работат заедно, мислам е имаат многу шанси за голови, -вели Кун и додава: -Кога јас дојдов таму тимот имаше опции, сега се засилени особено во средниот ред и нападот. Барса ќе тргне по сите титули. Секако како нов тим тешко е да дојдете до пехарот во ЛШ, но мислам дека целта е да се натпреварува на највисоко ниво и следната година, кога тимот ќе биде посигурен, тие ќе имаат многу поголеми шанси, -порач Аргентинецот.