Агбонлахор го „нападна“ Португалецот: Младите играчи грешат, а Роналдо…

Поранешниот напаѓач на Астон Вила, Габриел Агбонлахор упати критики на однесувањето на теренот на Кристијано Роналдо.

Португалецот често знае да се жали на грешките на неговите соиграчи, а тоа беше очигледно и на вчерашниот натпревар на „Сент Џејмс Парк“ на кој Манчестер Јунајтед едвај извади реми.

– Ако сте Гринвуд, Рашфорд или Санчо и направите лошо додавање или центаршут, Роналдо ги крева рацете. Разбирам дека е еден од најдобрите, но на младите игрчаи им е потребна помош, -изјави Агбонлахор.

Сличен став има и Гери Невил кој го посочи Единсон Кавани како играч од кого младите можат да научат, за разлика од Роналдо и Бруно Фернандеш кои често знаат да искажат фрустрации на теренот.

Очигледно е дека во Манчестер Јунајтед во моментов не цутат рози и потребна е позитивна серија резултати за да тргнат односите и меѓу играчите во тимот.