„Аби Роуд студиос“ одбележува 90 години

Лондонското студио Abbey Road, каде што „Битлси“, „Пинк Флојд“, Ејми Вајнхаус и Адел направија легендарни аудиозаписи, оваа недела ја одбележува својата 90-та годишнина со настани наменети за следната генерација музичри. Дводневните панели, сесии за слушање и разговори за луѓе што почнуваат во индустријата, ќе опфатат повеќе теми: како да се стане продуцент или инженер, разбирање на музичкото издаваштво и друго. Фестивалот „Амплифај“, каде шпо гости говорници се продуцентот Стив Мек, композиторите Стивен Прајс и Џејмс Њутн Хауард, меѓу другото, имаше и други настани – забави за слушање музика и панели за фотографирање – во рамките на одбележувањто на годишнината.