51 ЛИЦЕ ЗАГИНА, НАД 100 ПОВРЕДЕНИ ВО ДИСКОТЕКАТА ВО КОЧАНИ Македонија, ПОЖАРОТ ИЗБИЛ ОД ПИРОТЕХНИКА ОД ЧИИ ИСКРИ ГО ЗАПАЛИЛЕ ТАВАНОТ, КАЖА ТОШКОВСКИ

16.03.2025 Mart Nedela

Во пожарот во дискотеката „Пулс“ во Кочани загинаа 51 лице, а над 100 се повредени, соопшти министерот за внатрешни работи Панче Тошковски. Според првичните информации, како што кажа Тошковски, пожарот избил поради пиротехнички средства кои се користеле за светлосен ефект на концертот на групата ДНК.

„Според првичните информации, како последица на искри од пиротехнички средства кои биле употребени за светлосен ефекти. Искрите го зафатиле таванскиот дел кој бил од лесна запалива материја по што пожарот  брзо се проширил. Според досегашните податоци 51 лице загина, а повеќе од 100 повредени. Починати лица има во повеќе болници во Македонија. Ќе се врши обдукција на секое загинато лице, за да се идентификуваат“, рече Тошковски на прес-конференцијата во Кочани.

На прашањето дали дискотеката има дозвола и кој дозволил да има дискотека во куќа која е со решетки на прозорите и е веднаш до други куќи, Тошковски рече дека веќе има приведено лица во врска со пожарот и ќе се утврди одговорност. Не кажа колкумина се приведени, но дека вети дека одговорност ќе има со име и презиме.

ПОВРЕДЕНИТЕ ОД ПОЖАРОТ СЕ ЛЕКУВААТ НА КЛИНИКИТЕ ЗА ПЛАСТИЧНА ХИРУРГИЈА, НА НЕВРОХИРУРГИЈА, КАРИЛ, ДЕТСКА КЛИНИКА, „8 СЕПТЕМВРИ“, „СВ. НАУМ ОХРИДСКИ“