Легендарниот Ван Бастен со остри критики кон Меси и Гризман: И двајцата играат како пекари

Поранешниот легендарен холандски фудбалер, Марко Ван Бастен упати жестоки зборови кон фудбалерите на Барселона, Лионел Меси и Антоан Гризман.

Офанзивците на каталонскиот клуб постојано се предмет на критики поради нивните слаби настапи оваа сезона, а во јавноста постои и меѓусебно обвинување од нив двајца за лошите партии на клубот.

Иако и двајцата се играчи од светска класа, тие воопшто не се снајдоа заедно на теренот, па јасно е што Роналд Куман се почесто се решава еден од нив да е надвор од составот на натпреварите.

Ван Бастен во неговото интервју за „Зиго Спорт“ упати критики до двајцата и кратко изјави дека и двајцата во моментов играат како пекари.

– Прилично едноставно, тие играат многу лошо во моментов. Меси и Гризман играат како двајца фудбалери кои немаат цел, тие играат како двајца пекари, -кратко изјави Ван Бастен.