Дали популарните мачор и глушец ќе го претворат ривалството во пријателство?

Пристигнува филмот „Том и Џери“

Најомилените мачор и глушец ги изведуваат своите нови лудории во претстојниот филм „Том и Џери“, чија премиера е закажана за 2021 година. Стапиците од кои мудриот глушец секогаш се извлекува и продолжува по својот пат, со полн стомак, сè уште се тука. Веројатно може да погодите што ќе се случува понатаму. Приказна што речиси секогаш завршува исто, мачор што вреска од болка, додека против него се подготвува друг заговор. Иако насловните ликови се анимирани, новиот филм се разликува од традицијата, со актери во живо и сценографија од реалниот свет. Клои Грејс Морец глуми организаторка на свадба во еден хотел, но очекува да го отстрани досадниот глушец Џери од неговата резиденција во ѕидовите на хотелот.

Сценариото го напиша Кевин Костело, а филмот се базира врз класичните ликови на Џозеф Барбера и Вилијам Хана. „Том и Џери“ го оживуваат старото ривалство, бидејќи Том е ангажиран да помогне во отстранувањето на Џери од просториите пред свадбената церемонија. Двајцата непријатели наскоро треба да научат да соработуваат со ликот на Морец, бидејќи сфаќаат дека некој од хотелскиот персонал активно работи против сите тројца. А со ривалството од 80 години, тоа е нов чекор кон станување пријатели. Во претстојниот филм играат уште и Мајкл Пења, Роб Делејни, Колин Џост и Кен Џенг. Режисер е Тим Стори, а продуцент Крис де Фарија.