Мпенза: Меси не му е потребен на Сити, Лео и Гвардиола пак ќе соработуваат во…

Поранешниот белгиски репрезентативец и екс член на Манчестер Сити, Емил Мпенза објасни зошто Лионел Меси не му е потребен на англискиот вицешампион.

Аргентинецот е во последната година од договорот на Барселона, минатово лето јавно побара да си замине за да на крајот сепак одлучи да не му прави проблеми на клубот и да го испочитува тоа што го има потпишано. Со оглед на сето ова останува под знак прашалник неговата иднина на „Камп Ноу“, а како една од можностите се споменува преселба во Манчестер Сити каде одново би можел да соработува со Пеп Гвардиола.

Мпенза е еден од оние кој не верува дека Меси е добро решение за Сити, поточно смета дека Аргентинецот и Шпанецот наредната заедничка средба, соработка треба да ја имаат во МЛС лигата.

-Мислам дека со сите проблеми што ги има во одбраната, на Гвардиола не му е потребен некој како Меси. Треба прво да ја среди неактивната одбрана. Компани остави дупка во срцето на одбраната и Сити допрва треба да ја пронајде стабилноста која Венсан ја носеше во дефанзивната линија. Тешко е тоа да се направи, па која е поентата Лео да се донесе со сите проблеми кои ги имаат во одбраната?

-Имаат доволно играчи на неговата позиција како Марез и Агуеро. Ако го потпишат Меси, ќе има премногу играчи на иста позиција и ќе има проблеми. Верувам дека тој повторно ќе се поврзе со Пеп Гвардиола во одреден период од неговата кариера, но не Сити, туку во нивниот партнерски клуб Њујорк Сити.

-Гвардиола успеа во три од најдобрите европски лиги како Ла Лига, Премиер лигата и Бундеслигата, фали само Серија А. За мене МЛС е неговата следна станица и тој таму ќе го земе Меси со него, -вели Мпенза за „Манчестер Ивнинг Њуз“.