Меси му испрати порака на Марадона, навивачите „полудеа“ откако разбраа дека операцијата е успешна

Славниот фудбалски ас, Диего Армандо Марадона мораше да биде опериран откако беше утврдено дека има хематом во главата, зафат кој беше успешен и донесе голема радост кај сите љубители на фудбалот особено кај оние во татковината на поранешниот ас на Наполи и Барселона.

Имено голем број на фанови беа собрани каде што Марадона беше опериран, а откако им беше соопштено дека се минало во најдобар ред и дека состојбата на легендата е стабилна настана вистинска лудница.

-Диего, ти ја посакувам целата сила на светот. Јас и моето семејство сакаме да те видиме што поскоро. Прегратка од срце, -напиша капитенот на каталонците на социјалните мрежи.