Лаутаро лут по поразот во Мадрид: Не им дадовме да дишат, направивме…

Екипата на Интер го претрпе првиот пораз во групната фаза и тоа во дербито против Реал Мадрид каде загуби со 3-2 на „Алфредо Ди Стефано“.

Калчолигашот губеше со 2-0, но успеа да се врати и дојде до 2-2 по што имаше неколку шанси за комплетен пресврт за да потоа стигне казна за пропуштените прилики преку младиот Родриго кој погоди во 80 минута и го постави конечниот резултат.

-Штета што загубивме, бидејќи направивме сè за да победиме и не им дозволивме да дишат. Лути сме, сакавме да победиме и создадовме доволно можности за гол. Сепак мора да го прифатите овој резултат, да продолжите понатаму.

-Во вакви мечеви, малите детали се се. Веќе рековама ќе повторам дека правиме сè за да победиме, но правиме грешки и на крајот плаќаме за тоа. Мора да работиме на тоа да останеме фокусирани во текот на целиот натпревар, -истакна напаѓачот Лаутаро Мартинез.

Интер е на последното место во групата Б со 2 освоени бода на средина од групната фаза.