Брестовац одбра 16 ракометари за пресметката со Финска

Ракометната репрезентација на Македонија вечерва ги започнува квалификациите за Европското првенство во 2022 година и тоа со средба против Финска во Скопје во СЦ „Борис Трајковски“.

Истата ќе се одигра без публика поради Ковид кризата, ама без разлика на тоа нашиот национален тим е огромен фаворит за двата бода. Како што е позната репрезентацијата се соочи со одредени проблеми, позитивни тестови на коронавирусот, па така освен неколку членови на стручниот штаб селекторот Данило Брестовац не може да смета ниту на Марио Танкоски, Мартин Велковски и Мартин Поповски.

На крајот Брестовац мораше да селектира 16 играчи, па во последното кратење за оваа средба беа „избришани“ уште Марко Кизиќ и Милорад Кукоски.

Средбата е закажана за 20 часот, а истата ќе ја судат Русите Константин Ершов и Антон Пављуков, додека делегат е Марјан Начевски.